Məni bağışlamaq olarmı, çətin...
Mən özüm bilirəm nəçiyəm, nəyəm.
Tikdiyim bu daxma, hördüyüm budur.
Odası təp-təzə, odu köhnəyəm,
Əlimdən bu gəlir, gördüyüm budur
Beşi xoşlasa da, biri xoşlamaz
Sinəmdə buz yanar, canlı qışlamaz.
Qələmim ot biçməz, kürək xışlamaz
Məni bağışlamaq olarmı, çətin.
Özüm mən danmışam öz günahımı,
Nə qədər xeyrimiz, şərimiz qalıb.
Dərdsiz yox bölüşəm könül ahımı,
Bircə soyulmamış dərimiz qalıb.
Soyun dərimizi, soyun yaşayaq
Beş günlük ömürdür qoyun yaşayaq.
Qurd ola bilmədik, qoyun yaşayaq,
Məni bağışlayan olarmı, çətin.
Mən ki, hər ölənlə olə bilmirəm
Mən ki, bölünməzi bölə bilmirəm,
Üzü dönüklərdən dönə bilmirəm,
Məni bağışlayan olarmı, çətin.
|
