Zindandakı cismimdi tək,

Canım orda,ruhum orda.

Qaf dağının zirvəsində-

Ucalardan ucalarda!

Görün harda havalanır

Dağ qartalı görün harda.

Hər sətrimi üfüqlərə

Qanadıyla yaza-yaza.

Xəbər verin yaxınlaşan

İlk bahara,güllü yaza:

-Şimal qütbü üşüyürsə

Qoy sığınsın bağrımıza.

Od içində səməndərdi

AZƏRBAYCAN - XƏLİL RZA!

-------------------------------

Xəlil Rza atılsa da

Bucağına zindanların,

Azərbaycan sığa bilməz

Qucağına zindanların.

Aman dostlar siz gəlməyin

Ayağına zindanların.

Lə”nət deyin qan-qırmızı

Bayrağına zindanların!

Qarı düşmən soxlmasın

Poladlaşan sıramıza.

Biri dağdır,biri qaya: 

AZƏRBAYCAN – XƏLİL RZA.

---------------------------------- 

Haray sellır,şəlalələr 

Dağ sinəmdən gəlin,keçin!

Tükənməzəm,tükənsəniz

Ürəyimdən badə için.

Gülüstanam,ətrafımdan

Tikanları qırın,biçin

Ağciyərlər aləmində

Yalqız qalan mərdi seçin!

Durulmuşam,sal qayadan

Damla-damla,sıza-sıza

Biri dəniz,biri bulaq: 

AZƏRBAYCAN – XƏLİL RZA.

---------------------------------- 

Kordu gözü.Qoy təpəgöz

Güvənməsin gövdəsinə,

Baş əymədik gülləsinə,

Qandalına,kündəsinə

Dinlə,nitqi nəyə bənzər

Top səsinə,tank səsinə.

El tüpürsün Avropada

O kabusun kölgəsinə.

Asiya da,Afrika da

Bu lənətə atır imza,

Bu döyüşün bayrağıdır

AZƏRBAYCAN – XƏLİL RZA

--------------------------------- 

Qan-qan! Deyən qatilləri

Bir gün gələr qandıraram

Canilərə cəhənnəməm,

Atəşimdə yandıraram.

Haçan,harda,hansı seldən

Hansı oddan yan duraram?

Əbədiyəm,məbədiyəm.

Cahan varsa mən də varam.

Kainat bir gülüstandır,

Uzaq olsun bizdən qəza.

Dəymə bülbül yuvasıdır

AZƏRBAYCAN – XƏLİL RZA!