Kitab oxumaqla, həyatda yaşayaraq oyrənəcəklərimizi qabaqcadan və ya heç vaxt öyrənmə şansımız olmayacaq bəzi həqiqətləri səhfsiz, dəqiq, tərəddüd etmədən öyrənə bilərik!
Kitablar müxtəlif cür yazıla bilər. Qərəzli, qərəzsiz, təbliğat məqsədli v.s. Amma hər şey oxuyandan aslıdır. Oxu və düşün. Yazarın sənə diktə etdiklərini yox, İnsani həqiqətləri tap oxuduğun kitabda.
Dostlar bu gün elektron kitabxanadan Elcan Həbibzadənin yazdığı "Salam Çin” adlı kitabını oxudum. Məlumatlandırma baxımından gözəl kitabdır. Müəllifə zəhmətinə görə təşəkkür edirəm. Amma bu kitabda bir fakt əskikdir. Müəllif Azərbaycanlı olduğu üçün bu fakt əskikdir. Çin adlanan ölkədə canımızdan olan nəqədər UYĞUR türklərinin canına qəsd edilir, nəqədər qardaş və bacılarımız təqiblərə məruz qalır, nəqədər ürəklər dağlanır, nə qədər xəyallarımız məhv olur. Bunları kitabı oxuyub qurtarana qədər gözlədim. Amma xəyal qırıqlığı ilə kitabı bitirdim. Düzü yazarın bizə zülm edən bu dövlətə, bu qədər rəğbətinidə anlamadım. Sanki: "gəlin hamımız çinin bir hissəsi olaq” deyən kimi bir hal müşayiət etdim...
