Başına dolanım, qadiri mövla,

Ayrım dərəsindən xilas et məni.

Yox səhv dedim,dərə yazıq neyləsin,

İblis nəfəsindən xilas et məni.

Tülkünün meydanı sulamasından,

Yaltağın quyruğu bulamasından.

Bu sarı çaqqalın ulamasından,

Bayquşun səsindən xilas et məni.

Qarşımda boynunu buran iblisin,

Hüzurumda qul tək duran iblisin.

Dalda qiybətimi qıran iblisin,

Üzə gülməsindan xilas et məni.

Saxta bir çəvəngin,saxta hədyanın,

Saxta kələkbazın,saxta nadanın.

Saxta ərizənin,saxta böhtanın,

Saxta cümləsindən xilas et məni. 

B.Vətənoğlu